العب ضومنة أونلاين بالمصري على هنضبش. دومينو ببلاش بأسماء ورق القهوة، من الدش للدبش والهبيك. عايز تلعب مع صحابك؟ فيه بابين: افتح طرابيزة وابعت اللينك أو الكود لصحابك، أو دوس «العب مع أي حد دلوقتي» وتقعد على طرابيزة على طول — مع اللي موجود، ولو مفيش حد بتبدأ مع بوت لحد ما حد ييجي. من المتصفح على أي موبايل أو كمبيوتر، أو من تطبيق الأندرويد — ومش محتاج تسجيل.
العب دومينو أونلاين دلوقتي ☕دوس على الطرابيزة وجرّب جولة على طول — والأونلاين مع صحابك من الرئيسية ☕
حطّه على موبايلكأونلاين مع صحابك · ومن غير نت مع الأسطىلو بدأتوا وكرسي لسه فاضي، بوت بيقعد فيه — وأول ما صاحبك يدخل بالكود ياخد مكانه. الدليل بالتفصيل، مع حل مشاكل الكود والنت: ضومنة أونلاين — إزاي تلعب مع صحابك.
على الرئيسية فيه زرار «العب مع أي حد دلوقتي»: اللعبة بتختارلك طرابيزة فيها ناس مستنيين وتقعّدك عليها على طول. ولو مفيش حد مستني في اللحظة دي، بتقعد مع بوت لحد ما حد يدخل ياخد مكانه.
ولو حد قطع أو مشي في نص الجولة، الطرابيزة مابتقفش: بوت بيلعب مكانه، ولو رجع بسرعة من نفس المتصفح أو التطبيق بيرجع لكرسيه. وفي اللوبي وعلى طرابيزة الفردي، الكرسي اللي فيه بوت عليه علامة «بوت 🤖» عشان تعرف مين قصادك.
بتقول عليها ضومنة أو دومنة أو دومينو؟ على هنضبش الورق بأساميه بالمصري: يك، دو، سه، جهار، بيش، شيش. الدش هو ٦-٦، والدبش ٥-٥، والهبيك ١-١. لو اسم ورقة مش واضح، أسماء ورق الدومينو بالصور بتوريك كل ورقة واسمها.
الطقم فيه ٢٨ ورقة. في البداية العادية، أعلى دبل في الإيد بيفتح أول جولة؛ وكل ورقة بعد كده بتركب على طرف بنفس الرقم. في الفردي، لو اللعب قفل، اللي مجموع ورقه أقل بيكسب الجولة. تقدر تشوف أمثلة التوزيع والقفلة في قوانين الضومنة بالصور.
جولة واحدة أو ماتش لحد ١٠١ نقطة — بتختار وإنت بتفتح الطرابيزة. القواعد كلها هنا: قوانين الدومينو بالصور — التوزيع والقفلة وحساب النقط.
اقعد قصاد الأسطى أو المعلم أو الزعيم — كل واحد ليه طريقته في اللعب، وبتفتح اللي بعده لما تكسب. دوس على الطرابيزة اللي فوق وهتبدأ جولة على طول، وعلى الأندرويد بتشتغل من غير نت: دومينو بدون نت للأندرويد — حمّل هنضبش من Google Play.
لأ. بتدخل كضيف وتلعب على طول. الدخول بجوجل اختياري، وبيحفظ تقدمك ورصيدك مع حسابك.
أيوه، اللعب ببلاش. تطبيق الأندرويد فيه إعلانات ومشتريات اختيارية، والكوينز للاستخدام جوه اللعبة بس — مفيش رهان ولا جوايز فلوس.
أيوه، من المتصفح: افتح handbsh.com في سفاري والعب. التطبيق حاليًا على أندرويد بس.
الطرابيزة مابتقفش: بوت بيلعب مكانه لحد ما يرجع، ولو رجع في خلال دقيقتين من نفس المتصفح أو التطبيق بيرجع لكرسيه. ولو مرجعش، الجولة بتكمّل بالبوت.
يك، دو، سه، جهار، بيش، شيش — والدبلات من البلاطة للدش. كلها بالصور هنا: أسماء ورق الدومينو بالصور — أسماء الدومنة والدومينو بالمصري.