إزاي تلعب دومينو؟
حطّه على موبايلكيشتغل من غير نت · من Google Playست خطوات، وطرابيزة حقيقية بتتلعب قدامك. بعد آخر خطوة تقدر تلعب على طول.
الأسطى ضد المعلم
الأسطى ضد المعلمالأسطى ضد المعلمالأسطى ضد المعلم
الجولة كلها في صورة واحدة — صوّرها وإنت بتتعلم
١الورق والتوزيع
الطقم ٢٨ ورقة. كل ورقة مقسومة نصين وفيها رقمين من ابيض (صفر) لـ شيش (٦).
في الفردي كل واحد ياخد ٧ ورقات، والباقي يفضل مقلوب على الطرابيزة للسحب.
كل ورقة ليها اسم على القهوة: الدش، الدبش، شيش بيش… أسماء ورق الدومينو بالصور — أسماء الدومنة والدومينو بالمصري.
٢مين اللي يفتح؟
اللي معاه أعلى دبل هو اللي يفتح. لو حد معاه الدش (٦-٦) يفتح بيه، ولو مفيش يبقى الدبش (٥-٥)، وهكذا نازل.
بيحطها في النص، وتبقى دي بداية الخط.
٣إزاي تركّب ورقة
الخط ليه طرفين. عشان تلعب، لازم تكون معاك ورقة فيها نفس رقم واحد من الطرفين.
لو الطرف مثلًا سه (٣)، تقدر تحط أي ورقة فيها ٣ — والرقم التاني بتاعها يبقى هو الطرف الجديد.
٤مفيش عندك حاجة تلعبها؟
تسحب من الورق المقلوب على الطرابيزة ورقة ورقة لحد ما تلاقي واحدة تركب.
ولو ورق السحب خلص ولسه مفيش عندك — تفوّت والدور يعدي لللي بعدك.
٥القفلة
ساعات الطرفين بيبقى فيهم رقم محدش معاه خالص، فمحدش يقدر يلعب. دي القفلة.
ساعتها بنعدّ النقط اللي في إيد كل واحد، واللي معاه الأقل هو الكسبان.
قوانين الدومينو والضومنة: شكل القفلة على الطرابيزة هنا — أسهل ما تتشاف من ما تتشرح.
٦مين يكسب
أول واحد يخلّص كل ورقه يكسب الجولة. بالبساطة دي.
وعلى القهوة بيكملوا جولات لحد ما حد يوصل لرقم متفق عليه.
جولة مع الأسطى · ببلاش · من غير تحميل ولا تسجيل
أسئلة بتتسأل كتير
إزاي تلعب دومينو للمبتدئين؟
وزّع ٢٨ ورقة، كل لاعب ياخد ٧ والباقي مقلوب للسحب. اللي معاه أعلى دبل يفتح. بعد كده كل واحد يحط ورقة فيها نفس رقم أحد طرفي الخط. لو مفيش عندك ورقة تركب، تسحب من الطرابيزة. أول واحد يخلّص ورقه يكسب.
مين اللي يفتح في الدومينو؟
اللي معاه أعلى دبل. لو حد معاه الدش (٦-٦) هو اللي يفتح بيه، وبعديه الدبش (٥-٥) وهكذا.
يعني إيه قفلة في الدومينو؟
القفلة إن الطرفين يبقى فيهم رقم محدش معاه، فمفيش حد يقدر يلعب. ساعتها بيتحسب مجموع النقط اللي في إيد كل واحد، واللي معاه الأقل يكسب.
كام ورقة في الدومينو؟
٢٨ ورقة في الطقم الكامل (دبل ستة). في الفردي كل لاعب ياخد ٧ ورقات والباقي يفضل مقلوب للسحب. ورق الدومينو كام ورقة؟ ٢٨ ورقة — عدد ورق الدومنة كامل والتوزيع بالصور
أقدر أتعلم وألعب في نفس الوقت؟
أيوه. هنضبش بتفتح في المتصفح على طول من غير تحميل ولا تسجيل، وتقدر تلعب مع الأسطى عشان تجرّب اللي اتعلمته.
الدومينو والضومنة نفس اللعبة؟
أيوه. في مصر بيقولوا ضومنة أو دومنة، وفي الخليج والشام دومينو. نفس الـ٢٨ ورقة ونفس الأصول.
ينفع ألعب من غير ما أنزّل حاجة؟
أيوه — افتح الصفحة والعب على طول.